طريقة عمل لحم القفر

لحم القفر


هو عبارة عن لحم مقطع شرائح طويله ويوضع عليه ملح خشن واجد (كثير)ويترك الى الصبح على مصفاة وتحته صحن علشان السوائل اللي تطلع من اللحم ثم بعد ذلك دور مكان (مستودع.غرفة باستراحة. غرفة فوق السطح) المهم المكان متجد الهواء ولا تدخله الشمس اي ظليل ثم تنشره على حبل اومنشر وتغطيه بغترة ماتبيه او شيلة امك بس انتبه لايكون بها عطر( فتشه )اوحنا مشاط علشان ماتخرب الطعم ثم اتركه عشرين يوم حتى تنشف وبعدين حطها في علبة بلاستيك واستخدمها او خذها معك للكشتات الطويله ماتخرب ولا شي واذا جيت تسوي مرقوق او جريش حطلك عدد من القطع بعد ماتدقه دق خشن وتنقعه بالماء الحار علشان يخف الملح اللي به وبعدين حطه بالعشاء ...


بالجنوب يسمى لحم معلق ...