الفرق بين المرأة والرجل بعد الرجوع من العزيمة

سلام عليكم

شوفوا الفرق بين المراه و الرجل اذا رجعوا من عزيمة

أولاً : المرأه تتحدث مع أختها

المرأه: يوووه فاتك نص عمرك.. توني جايه من العزيمة

أختها: وش حطوا؟

المرأه: يو يو يو ، حطهم يجنن، ما فيه شي ماحطوه ، أول شي الشاهي، فناجيلهم تجنن مزخرفه ومسكاتها ذهبيه ، بعدين القاتوه مدري من فين جايبينها طعمها يجنن وحاطينها في صواني خربزيه وفيها نقط صغيييره لونها أخضر ، والمكسرات تموووووت ، حاطين كل كسرة في كيس! والا العشاء ياربيييييه يهبببببل
(ويستمر وصف الاكل ساعة ونصف)

أختها: جت نوف؟

المرأه: ايوه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل

أختها: لايكون نفس اللي لبسته قبل 5 سنوات؟

المرأه : لا لا هذيك المره لابسه فستان أحمر مو وردي ولا كان فيه كرستالات


اختها: أجل شكلها لابسه فستان بنت عمها أريج لاني شايفه اللبس هذا عليها في عرس بنت خالتي
.
المرأه: ايو والله، يووووه يخزياه، والله انه ماتستحي ؟ لا وأريج تدرين ايش لابسه ؟ اليوم لابسه لبس موحلووو

شكلها رخيصة

أختها: وجزمتها؟

المرأه: ما أدري ماشفتها، تصدقين طول العزيمه وانا احاول اشوف جزمتها لكن ماقدرت، حتى اني يوم طفشت في الاخير رميت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت،لبسها كان طويل مرة ومغطي رجولها




اختها: طيب وتسريحة الشعر

المرأه:حقت مين؟ نوف والا اريج؟

اختها: كلهم
.
المرأه: تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهببببل،

اختها: كحكحي؟ يعني ايش؟

اختها: ماتعرفين الكحكحي يالبدويه؟ هذا لون جديد للصبغات ، اذا شفتيه تجيك الكحه من زينه حتى سألتها وين مصلحه شعرها فيه ورفضت تعلمني اما اريج تسريحة شعرها عاادية،
اختها: خدامة اريج وش لابسه
..
المرأه: الخدامة لبسها عادي، لكن جزمتها خقااااااااااااق ، تهبل ماكأنها جزمة خدامة، لونها اسود وعليها خيوط فسفورية

اختها: صدق والله؟ هذي مو جزمة اريج؟

المرأه: اي والله؟ وانا اقول وين شفت هذي الجزمة .. هذي جزمتها قبل عشرطعش سنة، اتذكرها شكلها عطتها الخدامة بدل ماترميها
ويستمر الحش إلى صلاة الفجر
استغفراللة استغفراللة ياليت يانساء تبطلوا هالعادة القبيحة الغيبة والنميمة
----------------------------------------------------------------------------

ثانياً: الرجل يتحدث مع أخيه

الرجل: السلام عليكم، توني جاي من العزيمة وترا كلهم يسلمون عليك كثيرالسلام

اخوه: الله يسلمك ويسلمهم

انتهت المحادثة
صدق ياحبنا للهرج
وانتم يارجال ماشاء اللة عليكم ليت لسان المراءة مثلكم