سوالف خاثرة

يا اسود .. يا سواد الليل .. يا أسود يا لون المسك والعنبر
شبيه المشتري وسهيل .. ياأسود يا لبييييه .. من حقوا اذا تكبر



تكبر لعبنو من يلومك .. ياناس ذبحني.. هبل بي .. كل ما ذكرته قمت احكحك رجولي تسني امشي على جمر .. ولعني واشعل النيران في صدري وفي بطني لدرجة انه جابلي حرقان ..
وه بس ياذاك االاسود .. فاتكم والله ذاك الخال اللي شفته يقوطر عسل أثل ..
ذكرني بايام الدشره يوم كان قلبي طري وكل ما فيني طري
يوم كنت ارقى الدرج خمسطعش مره عشان ادرب رجولي على الصعود والنزول .. كله لجل عيون ذاك الاسود ..


تصدقون اني هذيك الايام كنت فاتنة الحارة وكنت مقطعه قلوبهم من هو بس اللي اعطيه نظره . ( اويلااااووو ياحسااام ) كانوا الخطاطيب يتهافتون على بابي لدرجة ان بابنا صار كله جخور من كثر ما طقوه الخطاطيب .. بس كل من جاني رديته .. وش اسوي القلب وما يعشق .. وما عشق الا سويد بتقولون وش اعجبتس فيه .. بقول لكم والله مدري وش اقول بس كل ما فيه يهبل

لحظه لحظه .. اسمع تبويس ( صورة المخرج ساحب علي وموجه الكاميرا على خشة يادافع البلاء وهو يناشق ويقول ..)


اقتباس:
ليه يا انجلينا رحتي وخليتينا .. كل هذا عشان برتني يا قاسيه .. تجحديني وتروحين وتخليني الله آبو شكلتس .... حسافة زقارة الـ ام الازرق اللي سارقها من رعي البقاله كله ليعيناك .. يا خسارة ريالات الفسحه وعصير سنتوب ابو لزقات.. اجل انا اداوم في الصيف ببالطوا كله عشان اللزقات ياعد عمري وتخليني ..

خلااااااااااااااااااااااا ص يا مخرج ترى عطيتك وجه انت وذا التفخ اللي وراك .. ( صورة صوت شهقه قوية وشي اخضر يتدودل << ياحياتي يا بيكاسو )



اعضائنا اصحاب الحب الازلي والقلوب الرهيفه يله نصف ورى بعض سرا .. وانا الاكه وسراي ينزل ..
موضوعنا ذا نبي نشوف حبكم يا مهبل وخبالكم وحياتكم الورديه ( صورة المخرج وهو حاط الكاميرا على وجه يا دافع البلا وهو يقول : تبوبحي الله آبو شكلتس ) ..

ما نبي ردود ماصله .. نبي كل واحد يعطينا قصة حب وما حب باسلوب عياري حااااااااار ويدفينا من الغبار

ترى الدعوه ضحك ووناسه وسعة صدر ..ترى عادي اذا ودكم تأرنبون وتبهرون سوالفكم ..
اللي ما عنده سوالف عادي تصير روميوا زمانك ..


هلمو يا قوم لنحتسي قدحا من الجعه ونشوف ابداعاتكم