قصيدة موجهه إلى المشرف التربوي / محمد بن سعد المشوح الحربي

حبيت ان اشارك معاكم في هذه القصيدة الموجهه للاستاذ المشرف التربوي محمد بن سعد المشوح رجل فيه حمية ونخوة لكل حربي فهو يعد مفخره لنا

القصيدة
يـاهاجسي عـطني من الشعر صافيك ** أبدع بـجزل الـشعر وترك زهيده
عـطني مـن خيار القوافي وأبعطيك ** نـبـي نـوجـه لـلمشوح قـصيده
عـلى ثـمين الـشعر ماني موصيك ** فـي شـاعرٍ جـزل الـمعاني يجيده
شـيـخٍ لـياجيته مـاخيب هـقاويك ** أبــو سـعد راع الـمزايا الـحميده
رجـلٍ لـيا قـام لك فالدرب يشفيك ** دايـم عـلى الـطوله سـيوفه جديده
عـلى الـوفا والـطيب بطيب يوفيك ** مـواقـفه وريــاه دايــم سـديده
قـله تـرى نـاصي الله ثم ناصيك ** يـامـسندي فـالـهينه والـشـديده
لو ما انت من هاك العرب كان ماجيك ** بـس انـتم الـلي مـاعليكم بـعيده
حـكيم أديـب وشـامخات مـعانيك ** ولــك وقفـةً تأخذ بها مـاتريده
خـابـرك حـرا والاشـارة تـكفيك ** تـرسي كـما تـرسي الجبال المحيده
يـابو سـعد مـاخاب من يعتزي فيك ** انـشـهد انــك يـالمشوح ولـيده
رجـال تـعرف ما يصيبك ويخطيك ** هذي الـحقايق والـعلوم الاكـيده
والمعذره فالنقص جعل ربي يعافيك ** مـن قـاف والا مـن بيوت القصيده

صح لسانك يا غالي
وكلامك عن الأخ محمد في محله
ويستاهل أبوأنس كل هاالإطراء وهذه القصيده الرائعة
أهلا بك في منتدانا

صح لسانك يا أخي
ويستاهل ابو أنس
فهو من الرجال القلائل في العائلة الذين يتصفون بما ذكرت في القصيده
من رجولة وفزعة
اتمني لابوأنس كل التوفيق